فلكلور بين الكنه والحماة
منقول
ياحلالي ويامالي
هي الكنه الاموره والحلوه الصغيوره مثل بنات المعموره وعيونها عيون الغزلان
ياحلالي يامالي
حماتي ياناس هي حماتي هي روحي وحياتي مثلها ما لاقي نسوان
ياحلالي يامالي
الكنه يوم اخذناها دللانها وحبيناها وصرنا نتباهى فيها بين الخلان
ياحلالي يامالي
الكنه كثير دلوعه ولا عن اشي ممنوعه وبتدلع بدموعا لمابدهاتشتري فستان
ياحلالي يامالي
حماتي عملتني حكايه بين الرايح والجايه وكل شي بصير معايه بيعرفنه كل النسوان
ياحلالي يامالي
هي الكنه المضروبه ومن لسانها مسحوبه لما كانت مخطوبه احلى منها ولاكان
ياحلالي يامالي
ياناس ليش تلوموني هذه حماتي مجنونه تضرب مثل الطاحونه عملت براسي دوران
ياحلالي يامالي
ياهالكنه ضمه تضمك ومش طالعه على امك يخلف على ابني اللي ضبك وخلاكي من النسوان
ياحلالي يامالي
حماتي بدي اظفرها الله يكسرها خاطرها ولا وردتنا بشعرها وجهها مثل السعدان
ياحلالي يامالي
يوم اجوزها ابنيي عملتلي براسي جنيه ظلت تتفشش فيه لما ابني سافر لعمان
ياحلالي يامالي
حماتي ياناس رجعيه من بقايا الدوله التركيه راسها ولاحجر الصوان
ياحلالي يامالي
الكنه خرابة البيوت لسانها مابعرف لسكوت لما ابني عالدار يفوت بسرعه بتوخذ التلفان
حماتي جوبيت جوابات اسألوا عنها الجارات بتفرق بين الخوا
ت
ياحلالي يامالي
هالكنه بدها ليرات تصرفها بالصالونات كل ليله بدها زيارات خلت ابنيي طفران
ياحلالي يامالي
حماتي كثير غداره لمت علي الحاره صارت بالعمر ختياره وكل يوم تفصل فستان
ياحلالي يامالي
هالكنه صارت تركه والمشاكل عملت حده لاخليكي تترجي واجوزه عشر نسوان
ياحلالي يامالي
حماتي ريتك تموتي وعلى بيتي ماتفوتي واشوفك في التابوتي وملفوفه عليكي الاكفان
ياحلالي يامالي
وتسلموا ويسلم السامعين والله يجيرنا من الحموات والكناين القويات
موضوع: بين الكنه والحماة فلكلور شعبي . 
30/4/2009, 9:29 pm
