.|.السلام عليكم ورحمة الله.|.
مسائكمـ صبآحكم خير ..اخوتي...
هـُنآكـ مقوله تقآال..بان العرب شعب متعلم ولاكن غير مثقف.!!
في رأيي الخاص... أنا أشوف أن فيه فرق بين المثقف و المتعلم... يعني... واحد نجح في دراسته ما تعني أنه مثقف... لا فيه فرق بين الأثنين...
المثقف ..هو الواحد اللي يقرأ و يطلع بدون ما يكون محدد له منهج ... بدون ما يكون له وقت معين ... المثقف اللي وقته هو دايما على اتصال مع الكتب...
في رأيي ..أنا ما أشوف أن النظام التعليمي ينتج مثقفين... بل ينتج ناس حاصلين على شهادة بأنهم متعلمين... و بعض الاحيان ..بعض اللي حصلوا على هذه الشهادة ..هم في الحقيقة ما يستحقونها...
و فيه الكثير ...من الأفراد و النوعيات اللي تثبت صحة كلامي... فيه الكثير من اللي من الناس... اللي حتى ما عندهم أصغر أو أقل خلفية عن تاريخ الإسلام...مع انهم درسوه أكثر من مرة في المدارس... بس ما فيه فائدة
اخواني ...ما نتعلمه في المدراس كان من المفترض أن يكون حافزا داخلنا للبحث أكثر و أكثر عن المعلومات و المعرفة... عكس الواقع...
فالواحد مننا ما يصدق تجي الاجازة الصيفية عشان بس يفتك من حزم الورق اللي على ظهره...
و بعضنا و أتوقع كلنا قد شفنا هالصورة من قبل... بعض الطلبة حتى يمزع الكتاب و يحرقها ... كأن بينهم ثأر و حرب ما تنطفي نارها أبد...
كأنه يتشفى من هالكتاب... تلقاه يشققه ورقة ورقة...
اتوقع أن الثقافة... ما تجي من المناهج الدراسية اللي ندرسها... الثقافة تجي غير كذا...
اخواني...طبعا ما يجفى علينا أن من أسباب تأخرنا هو تخلفنا العلمي و الثقافي... و رفضنا الغريب للتثقف ...
يعني لو تشوف وشلون الأجانب يربون اولادهم ...يعني تلقى الولد عمره 7 سنين و معه كتاب في صالة الانتظار في المطار.. و معه كتاب قاعد يقرا فيه... و تلقى له في البيت مكتبته الخاصة...كتب بسيطة تتناسب مع عمره... بس الهدف الخفي منها هو تربية الولد على حب الثقافة و المعرفة و التعلم منذ صغره...
لمحة للوراء... طبعا وين احنا كمجتمع موجودين...دايما في الوراء ....
أولادنا ما يلمسون الا مناهجهم ... و اللي ثبتت بالاحصاءات و البحوث مدى تخلفها بعد... و رجعيتها... يعني احنا في كتب الفيزياء ما زلنا ندرس ان الذرة مكونة من نواة و في النواة بروتون و نيوترون و يدور حولها الكترون ... يعني الحين هم مكتشفين حاجات و جسيمات اصغر و غير هالثلاثة...بس احنا ما عندنا الا هي... حتى الحين اكتشفوا ان اصغر شي مو الذرة... بس احنا ملزمين ...اذكر مرة طارق السويدان تكلم عن هالموضوع... و قال يعني تقريبا... المناهج العربية بشكل عام متخلفة عشرين سنة للوراء عن المناهج الغربية...
ما ابي اطلع عن الموضوع....
المهم...يعني ما فيه أي دافع ...مننا كمجتمع اننا نحث صغارنا على القراءة و التعلم ... يعني اطفالنا يكبرون ما يعرفون شي غير اللي درسوه... و هذا غلط كبير.
لان المدرسة ما تقدر تغطي كل شي... المفروض انها توفر دافع...طبعا هالدافع مفقود جدا...
الواحد مننا عنده مكتبة عشان يحطها في المجلس و يتفاخر بها... كلها مجلدات وهو ما قرأ و لا لمس ولا واحد منها... بس صورة... عشان يقول أنه مثقف..
مرة قال رئيس اسرائيل ايام حرب الانتكاسة عام 67 ...قال العرب شعب لا يقرأ...فسألوه الصحفيين وش يقصد... فقال... أن تخطيطهم كان كله في الجرائد قبل يوم من الهجوم على اسراب الطائرات المصرية... و مع ذلك ...كان مفاجئ للعرب...
كان يقول لو اننا قرينا جرائدهم...كان عرفنا كل شي عن تخطيطهم... بس لا حياة لمن تنادي...
وين أيام احنا مصدر المعرفة و العلم... و الامراء الاوروبيين يروحون بعثات للأندلس عشان يتعلمون و يتثقفون...
الحين صار العكس.... طبعا احنا العرب نحب بس نتكلم عن ماضينا و عن تاريخنا... بس ما عندنا أي استعداد... لاحياء هذا الماضي و جعله واقعا و حاضرا ...
عندنا وقت للكلام عن علماءنا اللي ماتوا من مئات السنين... بس ما عندنا استعداد نقرا و نتعلم و نكون جيل كله علماء و عقول واعية...
و كلنا حاطين في علم اليقين ..أننا راح نرجع من جديد و نحكم العالم... بس ما عندنا استعداد نبدأ في طريق تحقيق هذا الهدف...
واذا استمر حالنا على هذا الشكل فمستحيل ان نرجع
وهناكـ تسائلين..أطرحه مع الموضوع..
_ما الفرق بين المتعلم والمثقف..بـمـنضور كل منكم.!!
_التسائل الثاني،لما نحن العرب متعلمون وغير مثقفون!،،وما المانع ان نكون مثقفون!! وما الشيء الذي يجعلنا كذلك؟؟
أرجوا ان القى نقاش صريح وهادف نحو الموضوع،،
لـــكــمـ فيضــ احتراميـ
موضوع: العرب شعب متعلم ولاكن غير مثقف ؟؟؟ 
26/12/2008, 2:32 pm
