طرق الشباب في تزبيط البنات

1- طريقه بسبس : وهي طريقه شائعه وهي المشي ورا البنت والتبسبس للبنت مع اصطحاب البسبسه بكلمات مثل روق يا برقوق اطعج يا بكرج يا طاعجني وانا بجلي حن علينا يا حلو نفخ ولا طبيعي.

2- طريقه التطنيش: وهي طريقه تستعمل للبنات الشايفين حالهم وتستخدم بناء على قول الشاعر سيب البنت تحبك حب البنت تسيبك

3- طريقة الو: وهي طريقه التزبيط على التلفون وتنقسم الى اكثر من نوع ولكن عادة ما يكون الشخص غلطان بالرقم وبده يتعرف على صاحبه الصوت الرائع الي سحرته بصوتها من اول كلمة الو وعادة ما بيتمقلب الشب وبتطلع البنت شنعه

4- طريقه خدني معك : وهي شب بحكي مع بنت وبده يطلع معها فبياخد صاحبه معه عشان يقعد مع صاحبة حبيبته أو أختها وعادة ما تستعمل هاي الطريقه اذا كان مع البنت اختها فبياخد صاحبه عشان يلهي اختها عنها ويقعدوا لحالهم

5- طريقة التجيير: وهي طريقه تستعمل لشب حكى مع بنت ولما ينتهي منها ويزهق منها بجيرها صاحبه مثل تجيير الشيكات وطبعا البنت ما بتكون عارفه هالشي بالمرة

6- طرية الترقيم :وهي ان ترمي رقمك للبنت بشارع او عن طريق البلوتوث في الاماكن العامه

7- طريقة اللمعان: وهي ان يلمع نجمك امام البنت انك تعمل حالك بطل او راكز وصاحب شأن بين اصحابك وكلامك موزون ودمك خفيف والكل بالكل

8- طريقة النغاشه: وهي ان تتناغش على البنت وتجاكرها على بين ما تحن عليك وتحبك وهاي طريقه غير مضمونه النتائج

9- طريقة الواسطه: وهي ان ترسل صاحبك يتواسطلك عند البنت وانك معجب فيها لكن خجلان تحكي معها وعادة ما تستعمل هاي الطريقه بين البنات لتزبيط احد الشباب معهم بالشغل او بالجامعه

10- الطريقه الفجائيه : وهي الدخول في البنت فجأه وتحكيلها اني بدي احكي معك ومعجب فيكي وعادة ما البنت بتلتخم وتبطل تعرف شو تحكي او ممكن تكسفك وتحكيلك انا خاطبه او انته مش الستايل الي بحبه وهذا اسلوب فعال جدا جدا

11- طريق يا خريب يا لعيب: وهذا اسلوب خبيث في سرقه حبيبة صاحبك منه من غير ما يعرف خصوصا اذا كانت البنت محرزه . بعرف شب اخد رقم حبيبه صاحبه منه من غير ما ينتبه وحكى معها على اساس انه بده يزبطها فالبنت حكت مع حبيبها عطول وخبرته فما كان من الشب غير انه راح على صاحبه ورن على البنت قدامه وحكى معها وحكالها انتي بنت واطيه وحقيره وما تردي ترني علي ولما سكر السماعه حكى لصاحبه هيني خلصت من البنت هسه ابتقدر تحكي معها لكن اوعى تحكي معها وهي لسه معي وانتهت القصة

هناك طرق كثيره لتزبيط البنات فاتني ذكرها لكن بغض النظر عن الطريقه ولكن فكره التزبيط من اساسها مرفوطه ولا يجوز التفكير بهاي الامور والي بده يزبط البنت بغض النظر عن الطريقه لازم يفكر منيح,,